"धाराशिव फाउंडेशन" तर्फे आपले मनःपूर्वक स्वागत ..!
"धाराशिव जिल्ह्याच्या नवनिर्मितीचं आणि उत्कर्षाचं व्यासपीठ ..!!
"आपला जीव धाराशिव" हा विचार डोळ्यासमोर ठेवून आपल्या धाराशिव जिल्ह्याच्या नवनिर्मितीसाठी, उत्कर्षासाठी आणि जिल्ह्यातील कृषी, शिक्षण, आरोग्य, उद्योग, पर्यावरण, पर्यटन, क्रीडा, महिला, युवक सक्षमीकरण यासह इतर सर्व घटकांच्या रचनात्मक दीर्घकालीन विकासासाठी निर्माण झालेले सामूहिक व्यासपीठ अर्थात "धाराशिव फाउंडेशन..!!
धाराशिव जिल्ह्याला अध्यात्मिक, सांस्कृतिक, ऐतिहासिक, भौगोलिकी असा समृद्ध वारसा आहे. हा वारसा जगासमोर यावा तसेच जिल्ह्याच्या शेती, शिक्षण, आरोग्य, उद्योग, रोजगार, क्रीडा, पर्यावरण, पर्यटन, महिला व युवक सक्षमीकरण अशा सर्व घटकांच्या वर्तमान व भविष्यातील विकासाच्या, उन्नतीच्या अनेक संकल्पना व योजना धाराशिव फाउंडेशन राबवणार असून त्याची दीर्घकालीन अंलबजावणी संस्थेच्या वतीने करण्यात येणार आहे.
एखाद्या जिल्ह्याची प्रगती तेव्हाच होते, जेव्हा त्यातील प्रत्येक खेडे, प्रत्येक गावाची आणि त्यातील सर्वसामान्य जनतेची सर्वांगीण प्रगती होते यासाठी आपण सर्व मिळून आपल्या नव्या पिढीच्या उत्कर्षाचं आणि उन्नतीचं रोपटं धाराशीव फाउंडेशन या संस्थेच्या माध्यमातून लावत आहोत.
आपल्या सर्वांच्या सामूहिक प्रयत्नातून राज्यात आणि देशात आपल्या धाराशिव जिल्ह्याची ओळख निर्माण करण्यात आणि धाराशिव जिल्ह्याच्या व जिल्ह्यातील जनतेच्या जीवनात आत्मविश्वासाची, प्रेरणेची, आकांक्षा व स्वप्नं पूर्ण करण्याची एके नवी ज्योत हि संस्था पेटवत आहे या मध्ये धाराशिव फाउंडेशन हि संस्था यशस्वी ठरेल हा विश्वास संस्थेला आपल्या सर्वांच्या माध्यमातून येतो.संस्थेच्या प्रवासात संस्था वाढवण्यासाठी आणि जिल्ह्याच्या उन्नतीसाठी आपल्या सर्वांच्या सूचनेचं, कल्पनांचे स्वागत हि संस्था नेहमीच करेल.
चला एका नव्या प्रवासाला आपण सुरवात करूया, एकत्र येऊया, एकत्र राहूया..सर्वांसह पुढे जाऊया.. जिल्ह्यासाठी व जिल्ह्यातील येणाऱ्या पिढीसाठी नवनिर्मितीचं व उत्कर्षाचं एक रोपटं लावूया आणि त्याला वाढवूया...!
'धन्यवाद ..!
